منتديات دموع الحب

منتديات دموع الحب


 
الرئيسيةالتسجيلدخول

شاطر | 
 

 يارب ابقى صايع !!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
lonely angel
عضو فعال
عضو فعال
avatar

                   تاريخ التسجيل: تاريخ التسجيل: : 25/07/2010
                                            العمر: العمر: : 23
المشاركات: المشاركات: : 62
الموقع: الموقع: : Another World

مُساهمةموضوع: يارب ابقى صايع !!   الإثنين أغسطس 09, 2010 6:46 pm

سلام عليكم ...
ده جزء من كتاب للكاتب الساخر عمر طاهر ... يارب تعجبكم *****

هى مش كلمة صايع كانت شتيمه زمان ؟؟ عندما تتأخر فى العودة إلى المنزل بعد المدرسة يتم أستقبالك

بسؤال ((كنت فين يا صايع لحد دلوقتى ؟)) وعندما يكون الزرار العلوى للقميص مف...توحاً ((ماتفتحش صدرك

زى العيال الصايعة )) وكان هناك ارتباطاً وثيقاً بين الصياعة والتدخين والوقوف على النواصى ومعاكسة البنات

ووضع الايدى فى الجيوب أثناء الكلام مع الاب وشرب القهوة ومتابعة المشاهد الساخنة فى الافلام والكلام

فى التليفون بالساعات والرد على الكبار بأسلوب غير مهذب والتزويغ من المدرسة والرسوب فى نهاية العام

وأرتداء القميص على اللحم . وكأن لقب ((صايع)) لقباً مخيفاً نهرب منه (( وهو الواحد اية غير سمعة وشوية

حاجات فوق بعض )) وكنا نحرص على الابتعاد عن أى شخص يحمل لقب ((صايع)) علشان الواحد ما

((يتشبهش)) .ولكن بمرور الوقت حدثت طفرة لم تعد كلمة صايع شتيمة بل اصبحت وساماً يضعه الاخرون

على صدر كل من يحوز إعجابهم ولم يعد الصايع هو الشخص ((اللى مش متربى قليل الادب اللى بيسقط

دايماً وقاعد طول النهار على القهوة وبيعلى صوتة على أهلة وبيسرق فلوس من ورا أهله علشان يجيب

سجاير )) هذا الشخص مابقاش أسمة صايع بقى اسمة ((مغفل)).وأصبح الشخص الصايع هو الشخص

الناجح القادر على أثارة إعجاب الناس من حوله الشخص القادر على أنتزاع تصفيقهم وأصبح ((الصايع)) هو

النموذج والقدوة والمثل الاعلى أحيانا .ولقب ((صايع )) لم يعد أيضاً مقصوراً على الاشخاص فقط فهناك أشياء

كثيرة ممكن تقول عليها صايعة جهاز الموبايل اللى فية كل الامكانيات اللى محتاجها واللى بتحلم بيها ..

يبقى موبايل صايع . ممكن تلاقى جون ((صايع)) عبارة عن جمله بين 3 لاعبين سريعة ورشيقة وغير

متوقعة . ممكن تلاقى بوستر لألبوم لمطرب متصمم بطريقة صايعة ومحطوط فى حتة صايعة . ممكن تشوف

فيلم نهايته غير متوقعة ولما تمر فى خيالك تبقى نهاية صايعة والسيناريست اللى كتب الفيلم سيناريست

صايع. وممكن تلاقى بلد يتقال عليها ((بلد صايعة)) زى الصين اللى قدرت إنها تخترق مصر بمنتجاتها ويبقالها

فى كل بيت مصرى 20 منتجاً على الاقل وبالتالى يمكنك أن تقول إن ((الصين دول صايعيين قوى )). لم يعد

لقب صايع مزعجاً مثل لقب ((عنده إيدز )) ولكن صايع أصبح وسام شرف مساو فى قوتة لوسام ال "iso 9001

" ولا اعرف ماذا حدث بالضبط وغير سمعة الكلمة 180 درجة .. غالباً هى دى الصياعة ! أستطيع الان وأنا

ضميرى مستريح أن أشجعك على أن تكون ((صايع )) بالمعنى الجديد للكلمة .. للصياعة بمفهومها الجديد

أداب يجب الالتزام بها حتى تستحق اللقب -الصايع عمره مايقول على نفسة أنا صايع عمرك شفت واحد

ذكى ماشى يقول للناس ((أنا ذكى يا جماعة )) ؟ - الصايع يكرة الفهلوة لان الفهلوة سرقة ومجرد أستغفال

للناس , الصايع يحترم ذكاء الاخرين . -الصياعة تعتمد على الثقافة العامة فى كل المجالات يكفيك أن تعرف

((حاجة عن كل حاجة )). - الحظ قد يقودك إلى القمة والصياعة أن تحافظ عليها . -الصياعة أن بالك يبقى

طويل وماتبدأش بالغلط وماتردش على اللى بيستفزك إنك تسامح الشخص اللى تقدر تنتقم منه بسهولة .

- الصياعة إنك ماتكررش نفس الغلطة مرتين . - الصياعة إنك تدى كل واحد حقة وتعرف قيمة اللى قدامك

بالضبط . -الصياعة أنك تبقى فاهم كويس إنه - مش مهم إنك تغير الكون .. المهم إنك تخلى الكون ما

يغيركش . - الحب اللى بيجى بسرعة لازم يروح بسرعة . - الاحمق هو الشخص اللى لسانة أسرع من

عقلة . - أستمتع بالحاجات الصغيرة بكرة هتعرف إنها كانت كبيرة . - اتعلم تضحك على مشاكلك وأنت عمرك

ما هتبطل ضحك . - الخط المستقيم أقصر طريق بين نقطتين والابتسامة أقصر طريق بين شخصيين .

-االصبر .. هو الحاجة الوحيدة اللى لازم تستعجل وأنت بتتعلمها . - وجودك فى الحياة هدية ماحدش يقدر

يقدمهالك غير ربنا وفية ناس كتير بتيجى لهم هدايا قيمة الشاطر هو اللى يعرف يستفيد من الهدية اللى

جت له . - كل حاجة فى الدنيا فيها شئ جميل بس مش أى حد يقدر يشوفة . - مش كل مرة تتعب فيها

هتوصل للى أنت عايزة بس عمرك ماهتوصل للى انت عايزة من غير ما تتعب . - الفهلوة سرقة .. خد بالك

مفيش طريق مختصر للمكان اللى يستحق إن الواحد يروحه . - حياتك فيلم واللى حواليك بيلعبوا أدوار الأب

والأم والجار والصديق بس أنت بطل الفيلم .. حاول دايماً تتصرف زى الابطال. - أخطر عيب فى البنى أدم إنه

ما يشوفش فى الناس غير عيوبهم . - الصديق الجيد هو الهدية الوحيدة اللى الواحد بيقدمها لنفسه

بنفسه . - الصديق الكويس هو اللى يبقى عارف كل عيوبك ومع ذلك بيحبك . - أول خطوة فى النجاح إنك

تعرف إنت عايز إية . - ابتسامتك فى وش أى حد هتخليه صعب إنه يكرهك - مش مهم أن الناس بتحبك

المهم أنك تحب كل الناس . - عمرك ما هتعرف قيمة الميه من غير ما تعطش وعمرك ما هتعرف الصح من

غير ما تغلط . - مش أى هدية ينفع تقبلها . - ماتسيبش الريموت كنترول فى إيد حد إلا لو كنت بتثق فيه. -

ماتصدقش اللى يقولك ((هى كده)) أو ((هى ما تتعملش غير كده )) كل الحاجات ينفع تفكر فيها من أول

وجديد حتى لو قالوا لك دى ثوابت .. وخليك فاكر أن السباحة لو كانت بتخسس – زى ما بيقولوا – كان الحوت

بقى سمكة زينة من زمااااان. - مافيش حاجة اسمها حظ والمحظوظ هو مجرد شخص عارف هو عايز إيه

وبيقدر يستغل كل الحاجات اللى بتقابله فى السكة لمصلحة الحاجة اللى هو عايزها . - أوحش حاجة إنك

تكون مابتعملش حاجة لأنة هيبقى صعب تعرف هتخلص أمتى . - الوقت اللى هتضيعة فى التفكير فى

الحاجات اللى نقصاك المفروض تديه للتفكير فى الحاجات اللى عندك . - الخبرة هى الحاجة الوحيدة المفيدة

فى الفشل . - العقل زى الباراشوت .. مابيشتغلشى غير لما يتفتح . ياريت تبقوا استفدتوا ازاى تكونوا

صايعين



*** انا مش عارفة ده المكان الصح للموضوع او لا.. لو غلط ياريت المشرف او الدير ينقله
الرجوع الى أعلى الصفحة اذهب الى الأسفل
قاضى الغرام
عضو مطـــــرود
عضو مطـــــرود
avatar

                   تاريخ التسجيل: تاريخ التسجيل: : 20/07/2010
                                            العمر: العمر: : 23
المشاركات: المشاركات: : 716
الموقع: الموقع: : melansary10@yahoo.com

مُساهمةموضوع: رد: يارب ابقى صايع !!   الإثنين أغسطس 09, 2010 9:14 pm

عندك حق واللة دة بقت وسام ههههههههههههههههه

مشكورة ياقمر

تسلم ايدك
الرجوع الى أعلى الصفحة اذهب الى الأسفل
magic
ادارة منتديات دموع الحب
ادارة منتديات دموع الحب
avatar

                   تاريخ التسجيل: تاريخ التسجيل: : 02/07/2010
                                            العمر: العمر: : 25
المشاركات: المشاركات: : 464
الموقع: الموقع: : منتديات دموع الحب

مُساهمةموضوع: رد: يارب ابقى صايع !!   السبت أغسطس 14, 2010 2:32 am

- الصديق الجيد هو الهدية الوحيدة اللى الواحد بيقدمها لنفسه

بنفسه . - الصديق الكويس هو اللى يبقى عارف كل عيوبك ومع ذلك بيحبك . - أول خطوة فى النجاح إنك

تعرف إنت عايز إية . - ابتسامتك فى وش أى حد هتخليه صعب إنه يكرهك - مش مهم أن الناس بتحبك

المهم أنك تحب كل الناس . - عمرك ما هتعرف قيمة الميه من غير ما تعطش وعمرك ما هتعرف الصح من

غير ما تغلط . - مش أى هدية ينفع تقبلها . - ماتسيبش الريموت كنترول فى إيد حد إلا لو كنت بتثق فيه. -

ماتصدقش اللى يقولك ((هى كده)) أو ((هى ما تتعملش غير كده )) كل الحاجات ينفع تفكر فيها من أول



بجد كلام ميه ميه

واكتر كلام عجبنى

تسلم ايدك على الكلام الرائع

ويارب تكونى متميزه كده

على طول بردودك الصريحه
الرجوع الى أعلى الصفحة اذهب الى الأسفل
http://tearsoflove.hooxs.com
الشاعر
عضو فعال
عضو فعال
avatar

                   تاريخ التسجيل: تاريخ التسجيل: : 16/07/2010
                                            العمر: العمر: : 25
المشاركات: المشاركات: : 68
الموقع: الموقع: : http://www.facebook.com/home.php?#!/group.php?gid=363113879208&ref=ts

مُساهمةموضوع: رد: يارب ابقى صايع !!   الإثنين أغسطس 16, 2010 3:30 pm

دلوقتى المحترم واللى فى حاله بقى فى نظر الصيع فرفور يعنى عيل وهم متغاظين ان الناس بتحب المحترم ده فبيبقوا عاوزين يشدوه لطريقهم اوسخ حاجه فى الدنيا الصياعه
الرجوع الى أعلى الصفحة اذهب الى الأسفل
http://manslovers.yoo7.com/
A7MeD AbO ALi
مشرف
مشرف
avatar

                   تاريخ التسجيل: تاريخ التسجيل: : 08/07/2010
                                            العمر: العمر: : 23
المشاركات: المشاركات: : 347

مُساهمةموضوع: رد: يارب ابقى صايع !!   الثلاثاء أغسطس 24, 2010 6:39 am

الـــــــــــصـــــــيـــــــاعــــــة
اعشق هذة الكلمة انها حقا كلمة تستحق منا كل تقدير واحترام وكذلك من يتحلى بها لقوة شخصيته وشراستة وموت قلبه
وعلى رأى الحكماء عشان النسر لة ناب ومخلاب تلاقى الكل لة أحباب

تحياتى

الحانوتى


[img][/img]
الرجوع الى أعلى الصفحة اذهب الى الأسفل
 
يارب ابقى صايع !!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دموع الحب :: المنتديات العامة :: منتدى الحوار المفتوح (شباب وبنات)-
انتقل الى: