أرجوا دخول جميع الاعضاء

بســــــــــم الله الرحمـــــــــــن الرحيــــــــــــــــم


طبعا قبل أى شئ لم اكن اتمنى ان اضع قوانين وضوابط لقسم مثل الالعاب

المنتدى عامة مثل المكان العام

مايعرض فيه هو مايجذب الزوار والاعضاء اليه

ويجب وضع قوانين وضوابط لذلك القسم

باعتباره انشط قسم فى المنتدى من حيث الردود فقط ولكن ليس انشط قسم من حيث الافادة

بعبارة اخرى القسم نشيط اه لكن بدون افادة تذكر بالعكس بيضر بمصلحة المنتدى ..........


اولا انا هذكر الاسباب التى جعلتنى اضع مثل هذا الموضوع






... اول شئ المنتديات العامة مثل المنتدى العام والحوار المفتوح والحب والرومانسية وكل المنتديات دى

لم يعد فيها نشاط يذكر واصبحت شبه نائمة

ياعنى مثلا دلوقتى لو اى عضو قام بوضع موضوع فى اى تلك المنتديات او فى المنتديات الاسلامية

بيجد رد واحد عليه او ردين او تلاتة وخلاص

بسبب ان جميع الاعضاء يدخلون هنا فقط للمشاركة فى ذلك القسم فقط

لكن للاسف بندخل هنا وبنشارك ونسينا تماما الاقسام التانية زى الاسلامية والمنتدى العام والحوار المفتوح

وكل ده للاسف بيعود على المنتدى بالفشل

لان طبعا مش معقول هساوى رد بيقول 11111111111111

بموضوع قيم بيتكلم عن الرسول عليه الصلاة والسلام

او موضوع فى المنتدى العام عن الحياة وعن مشاكل الحياة او موضوع فى الحوار المفتوح عن مشاكل الشباب والبنات

وهساوى الموضوع ده برد اسمه 11111111111111

هل هذا يعقل ؟؟؟؟؟؟؟؟؟ طبعا لا

كنت اتمنى انى اجد مساواه ياعنى نوفق بين اللعب وبين الاقسام التانية

زى بالظبط المذاكرة واللعب

هل انتوا مثلا بتلعبوا ومش بتذاكروا او مش بتصلوا طبعا لاء

عملك شئ ومذاكرتك وصلاتك شئ واللعب شئ تانى

لازم توفق بينهم نلعب اه وكل حاجة بس نشوف المنتديات التانية وننشطها

ونعمل مواضيع ونفيد بعض نوفق بين حياتنا ومسقبلنا وبين اللعب

لكن للاسف اللعب اصبح السمة الاساسية للمنتدى

وللاسف الشديد ايضا لاحظت ان احد الاعضاء وبعض الاعضاء

ردودهم تجاوزت ال 300 رد منهم 200 رد فى الالعاب وكلها هههههههه و111111111 وكلام ليس له اى افادة

هل هذا هو مايشير اليه المنتدى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هل هذا هو غرض المنتدى الذى انشأ من اجله


.... تانى شئ من الاسباب قسم الالعاب اصبح بعض الاعضاء فيه

بيتكلموا فيه وبيردوا فيه بالكلام على بعضهم

ياعنى مثلا انا دخلت اكتر من لعبه مش قادر ارد ولا العب

و اصبح فيه مجموعات واصبح قسم الالعاب مثل الشات

تدخل اى لعبة تجد هناك شات وحوار بين الاعضاء

عن كلام شخصى المفروووووووووووض المكان الوحيد لهذا الكلام هو الاميل

وليس المنتدى لان المنتدى مكان عااااااااااااااااااام وليس مكاااان خاص

والمنتدى مكان ليه قوانينه وليه ضوابط يجب ان كل الاعضاء يمشوا عليها

لانه ليس من المعقول انى ادخل موضوع واجد فيه حوار شخصى

عن مثلا مواصفات شريكة الحياة وشريك الحياة

واجد كلام يدل على الحب وعلى الارتباطات العاطفية

لكن المنتدى كما ذكرت مثل مكان عااااااااام

غير مسموح بالكلام الشخصى او بالحوار الشخصى

لانه مكاااااااان عام

هل ينفع مثلا ان شخص يقوم بعلو صوته والتحدث الى انسانة مثلا معجب بيها

امام الناس فى الشارع ويتكلم معاها امام الناس كلهم وكله شايفه وشايفها وسامعينها وسامعينه

طبعا لاء لان اى حوار لازم يتم بشئ من الخصوصية

المنتدى ليس له علاقة بالشئون الشخصية او الكلام الشخصى


انا عاوز الالعاب تبقى العاب اللى يدخل يلعب

يلعب عادى بدون مجموعات او شلل

لان للاسف وهضطر اسفا اللى مش هيمشى عليها

هيتم تحذيره مرة واتنين المرة التالتة للاسف هتتوقف عضويته من المنتدى

انا طبعا والله مش بحب حد يزعل منى لكن ده لمصلحة المنتدى

لانى مش معقول اكون مدير ومسئول عن المنتدى ده

واسيبه كدة بدون ضوابط ولا قوانين لان دى مسئولية وهتسائل عنها يوم القيامة


اولا المشاركة فى قسم الالعاب وبقية الاقسام الاخرى بالتساوى

واى عضو يجب عليه انه يشارك فيه بقية الاقسام الاخرى بالمواضيع والردود

بجانب طبعا انه يدخل القسم الترفيهى ده ويشارك فيه لازم يكون فى مساواة بين الاقسام

لان حرام اترك الاقسام المفيدة والاساسية للمنتدى وادخل قسم ترفيهى هزار فقط وضحك وتسلية حرام بجد

لو هنعمل كدة يبقى حياتنا كلها لعب فى لعب وننسى مستقبلنا وافادتنا .......



ارجو الالتزام بهذا القانون


عدم التحدث بكلام شخصى نهائيا نهائيا اللعب فقط والترفيه فقط والبعد تماما تماما عن الكلام الشخصى

لانى لاحظت ان المواضيع اصبحت الان مثل الشات كانها غرفة شات سؤال واجابة وشات


عدم الخوض بكلام عن الحب وعن العواطف والبعد عنها تماما حتى لو من باب الهزار

ده كلام شخصى ايضا ممكن الكلام ده يتقال على الاميل لكن المنتدى غير مسموح بذلك


رابع قانون احترام الاعضاء وردودهم واحترام مدير المنتدى وعدم تجاهل الردود

من قبل بعض الاعضاء ...............


اسف على الاطالة ولكن كان يجب وضع مثل هذا الموضوع للاهمية

ارجو محدش يزعل منى ولكن انا اضطررت لكدة متاسفا