أضرار الطعمية المميتة

اليوم يا اخوانى سوف اكتب لكم موضوع خطير جدا ولكن الناس ودن من طين وودن من عجين يا اخواانى اسمعونى الطعمية دى اخطر شىء فى الحياة هاتقولولى لية اقولكم
اثبتت الدراسات الحديثة ان الزيت الذى بنغلى بية الطعمية المطعاعم لو نظرت الى هذا الزيت سوف تلاقوة اسود من الاسفلت لأن المطاعم تغلي هذا الزيت الى اكثر من 100 مرة والهدف من ذلك ان توفر فى مصاريف المحل لتزيد ربحها
اثبت الدراسات الحديثة الى ان اساسا تكرار غلى الزيت اكثر من اربع مرات يتحول الزيت الى مادة مسرطنة ضعيفة تتراكم فى الجسم الى ان تكون فيرس كبير جدا يكون قادرا على تدمير الجسم ومش شرط انها تظهر فى سن متأخر ولكن يظهر مرض السرطان عندما يتراكم هذة المادة الى ان تكبر كما قامت هذة الدراسات ايضا
تجربة هذه الزيوت على حيوانات التجارب بإعطائها جرعات مختلفه من الزيوت فوجد انخفاض كبير في وزن الحيوان وفقدان الشهية ..وفي آخر أسبوعين من إعطاء الزيوت للحيوانات التي استمرت ثمانية أسابيع ظهر تساقط شعرها, وصاحبها خشونة في الجلد وبعض التقيحات وبعد تشريح الحيوان وجد ارتفاع ملحوظ في وزن الكبد يصاحبه تضخم وزيادة في نسبة دهون الكبد واترفاع في وزن القلب تؤكد النتائج على خطورة الزيوت المغلية بصفة مستمرة وتناولها بجرعات عالية في الأطعمة المقلية..........ا

كما احب ان اوضح شيئا ليست المشكلة متوقفة على الزيت فقط انما على نظافى العاملين بالمطاعم وانى سوف اقول لكم موقف سوف يأرفكم من الطعمية مهائى فى مرة روحت اشترى طعمية من محل قريبا منى وقلت للعامل بجنية طعمية فعندما جاء ليقلى الطعمية فى الزيت االلى شبة الزيت الوسخ بتاع العربيات المهم ماعلينا وهو راح يقلى امت المجارى طفحة فراح يسلكها ودخل ايدة فى البلاعةوايدة تلوثت بالقرف بتاع المجارى وبعد اما خلص انتظرت ان يغسل يدية بالصابونة حتى فلم يغسلها الا ان شطفها بشوية مية وبعدين لقيتة ريح يمسك العجينة ويقلى طعمية فاستغربت اوى فقولتلة انت ازاى ماغسلتش ايدك قالى يا عم سيبك والله انا ساعتها كان هيجن جنونى ان واحد زى دة معندوش ضمير خالص لأ وبيأوح كمان ملقتش ادامى غير ان انا اقولة هاتلى فلوسى ومش عاوز انة يتحرك ويقولى خلاص هاغسل ايدى مفيش فايدة طب انا شوفتة وقولتلة انما لو كان بيعمل كدة لواحد تانى من غير ما يشوفة كان هيبقا ضميرة مستريح

طب انا هاقولكم على موقف تانى انا كنت مرة رايح مع ابن عممتى نصلح الكهرباء فى المخزن بتاع واحد طعمجى فطلعنا المخزن انا مصدقت نفسى طبعا المخزن دة مخزن فية المكونات بتاعت الطعمية زى الخضار والفول والطماطم والبتنجان وغيرة انا بصيت على الحاجة كلها بايظة مفيش حاجة سليمة خالص البتنجان مدود هو الفول والطماطم معطبة وضربة وكل حاجة وحشة ومش عاوز اقولكم كمان كان الدبان كتير قوى وواقف على الاكل بقولكم انا مكنتش مصدق نفسى ان فى ناس ضميرها مات للدرجاتى .....بستغرب على الناس اللى بتقول الدنيا لسة بخير اصحوا بئا الدنيا معدتش بخير الاخ بيقتل اخوة والصاحب بيخون صحبة والواحد معدش بيراعى ضميرة فى شغلة ومعتش فى اخلاق لازم نفوق شوية لروحنا احنا اكتر دولة متخلفة فى العالم احنا بلد الكلام احنا بنعد نقول احنا احسن شعب حيث اننا متسامحين ومش عارف اية قلة من القليل اللى لسة كدة
كما احب ان اوجة رسالة الى كل صاحب مطعم الا تخاف من الله وانت تغشة الا تعلم انك سوف تقف امامة وتسئل عن كل كبيرة وصغيرة ماذا ستقول لة عن غشك

بقلم
الــــحـــا نـــوتــــى

شكرا على المعلومات المفيدة مرسي

شكرا لمرورك يا قاتل

تقبل تحياتى

الــــحــــا نــــوتـــى

شكرا لمروركم واتمنى ان تكف الناس عن شراء الطعمية من المطاعم بل تقوم بعنلها فى البيت

تقبلوا تحياتى

الـــحــا نـــوتـــى